Concello da Coruña

Concello da Coruña

Axenda | Evento

Opcións

Qué?
Cuándo?
Dónde?
Distancia (metros)
É necesario que proporcione a súa localización actual para usar esta opción

Luar na lubre no AgoraSón da primavera 2022

Con motivo do Día das Letras Galegas e para promover a lectura en lingua galega, o Servizo de Normalización Lingüística do Concello da Coruña organiza o AgoraSón 2022, con Luar na lubre en concerto.

A quen vai dirixido?:

Cidadanía en xeral

A quen vai dirixido:

Para público en xeral

Cando:

21/05/2022

Xa rematou

Inscricións:

Dende o 16/05/2022 ata o 20/05/2022

Dende o luns 16 de maio, entregaranse un máximo de dous convites por carné de socia/o das Bibliotecas Municipais da Coruña (até esgotárense) ao coller libros ou outro material en galego para os levar en préstamo. Comproba o horario de apertura da túa biblioteca municipal de referencia.

De sobraren convites, estarán ao dispor do público xeral o mesmo día do concerto (21 de maio) a partir das 20.00 h na Conserxería do Centro Ágora.

Horario:

21.00 h

 

Duración:

100 min aprox.

Enderezo:

Centro Sociocultural Ágora. Lugar Gramela 17. 15010 A Coruña

Prezo:

De balde con convite

Organiza:

Contacto:

Teléfono: 981 189 888

Correo: lingua@coruna.gal 

A banda nacida na nosa cidade protagoniza o AgoraSón primavera 2022

O Servizo de Normalización Lingüística, o 21 de maio ás 21.00 h, volve organizar o concerto do AgoraSón primavera (co gallo das Letras Galegas e para promover a lectura e o emprego de materiais audiovisuais en lingua galega), este ano incluído dentro da programación do festival PrimaLetras das Bibliotecas Municipais da Coruña.

Esta edición do AgoraSón terá como protagonista a banda Luar na lubre, formación recoñecida en todo o mundo e grupo lendario do noso circuíto musical. Con máis de 35 anos de traxectoria musical, a banda segue a ser un exemplo de produción de calidade que en 2020 presentou Vieiras e vieiros, historias de peregrinos, un traballo de nada menos que 27 temas para situar nun inminente ano Xacobeo e homenaxear, co mellor folk, a todas e todos os romeiros que atravesan o Camiño desde hai centos de anos. Mais non só escoitaremos virtuosismo instrumental, senón tamén lendas, tradicións e mitos que percorren o Camiño cara a Compostela: desde o Grial do Cebreiro ata o tradicional Don Gaiferos, pasando polas cancións populares da peregrinaxe de Galicia e, tamén de alén dos Pirineos. Unha romaría musical, espiritual e romántica que non podedes perder. Este traballo cheo de historia será o eixe deste concerto do AgoraSón.

O evento terá lugar no auditorio do Centro sociocultural Ágora o día 21 de maio ás 21.00 horas.

A asistencia será de balde, mais precisará a recollida previa de convite nas bibliotecas municipais. 

CONVITES

Repatiranse os convites, ata esgotárense, co préstamo de material en lingua galega (libros, películas, CDs de música etc.) dende o luns 16 de maio nas bibliotecas municipais no horario de apertura de cada centro.

Faranse dúas quendas de reparto: en horario de mañá e horario de tarde.

Horario de mañá: a partir das 9.00 h, salvo na Biblioteca de Durán Loriga, que será a partir das 12.00 horas.

Horario de tarde: a partir das 16.00 h, agás no Punto de Servizo de Mesoiro, que será a partir das 17.30 horas.

Repartiranse dous convites por carné.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión