Esta lei regula no seu capítulo III (arts. 12 a 24), todo o relativo aos dereitos que ten a cidadanía nesta materia, o tipo de información que lle pode solicitar á Administración, os límites que establece a propia lei, o procedemento para seguir, as causas de inadmisión de solicitudes e os recursos que se poden interpoñer.

Así mesmo, a Instrución municipal sobre Transparencia recolle a normativa elaborada polo concello en aplicación do establecido na Lei 19/2013. De especial interese son as disposicións:

• Quinta, que responsabiliza as direccións, xefaturas de servizo, xerencias etc. respecto da publicación e o mantemento da publicidade activa (é dicir, a que eles mesmos xeren), garantindo así a transparencia.
• Sexta, que regula o procedemento para seguir respecto do dereito de acceso á información.
• Oitava, que regula o réxime de responsabilidade en relación coa transparencia municipal e a capacidade sancionadora.
• Novena, que determina o réxime de reclamacións, queixas e recursos aos que ten dereito a cidadanía se considera que se vulnera este dereito.