Tanto para a obtención por primeira vez da Tarxeta Millennium como para a súa renovación.

REQUISITOS:

• Ter a idade de xubilación ( en caso de non alcanzar a idade de xubilación o/a solicitante ou o/a súa cónxuxe tramitaríase como perfil pensionista, sempre que teña pensión)
• Estar empadroado no Concello da Coruña cunha antigüidade mínima de seis meses.
• Ter ingresos que non superen en máis do 30% o S.M.I 1.235 €/mes = 17.290 €/ano por membro da unidade familiar (considérase membro da U. Familiar cónxuxe, fillos menores ao seu cargo e fillos con incapacidade ao seu cargo)

DOCUMENTACIÓN:

• DNI orixinal
• Autorización ao Concello para o acceso aos datos fiscais necesarios para comprobar que se cumpren os requisitos establecidos (este impreso poderase obter directamente en portelo ou descargándoo na páxina web)
• Autorización ao Concello para o acceso aos datos do INSS necesarios para comprobar que se cumpren os requisitos establecidos (este impreso poderase obter directamente en portelo ou descargándoo na páxina web)
• Declaración Responsable _ Xubilado cumprir os requisitos.

Esta tarxeta ten unha validez ata o falecemento do seu titular sempre que se manteña empadroado no Concello da Coruña. En caso de variar esta condición, a tarxeta deberá entregarse nas oficinas Municipais para o seu cambio de perfil.

Roubo, perda ou deterioración:

En caso de roubo, perda, deterioración ou mal funcionamento da tarxeta pódese solicitar un duplicado ou a reparación da mesma (segundo proceda), en calquera caso, é necesario que o titular comunique o máis axiña posible (de forma presencial ou telefonicamente) a perda da tarxeta para que se poida bloquear.

Substitución do cartón por roubo, perda ou extravío

É necesario aboar a taxa establecida, 7 €

En caso de recuperación da tarxeta dada de baixa por extravío ou roubo, e tendo no seu poder unha nova, pode solicitar a través dun rexistro municipal a reasignación de saldo da tarxeta dada de baixa á activa. (obrigatorio a entrega da tarxeta recuperada)