Camiñar debe ser o máximo expoñente do sistema da mobilidade urbana por ser condición indispensable para posibilitar cidades amables, saudables, sustentables, equitativas, inclusivas e atractivas, con maior cohesión social e igualdade de oportunidades no uso e goce do espazo público.

O proxecto Coruña Camiña permitirá poñer a disposición dos camiñantes máis de 45.000 m² de rúas.

Nesta liña, o plan Coruña Camiña recolle distintas actuacións na que supoñerá a transformación total do centro da cidade, onde as persoas volverán ser as protagonistas absolutas:

Rolda Peonil

3.5 Km entre San Diego e o Agra. O proxecto anunciouse o 19 de xaneiro de 2020, desde ese momento executáronse dous tramos da rolda peonil, Alcalde Puga e Parga - Ramón Cabanillas-Mercado.

Está en execución un terceiro tramo, o de Mariscal Pardo de Cela, todas elas peonalizacións completas. Tamén se urbanizou Oidor Gregorio Tovar conectando con Anxo Senra e Mariscal Pardo de Cela. Dos tramos restantes xa se entregou proxecto para Alcalde Marchesi entre Catro Camiños e Ramón e Cajal.

En total no 2020 peonalizáronse ou semipeatonalizaron 700 metros de rolda peonil e están en proxecto 450 metros máis.

Plataforma Reservada para o Transporte Público

Está redactado o estudo desde o primeiro semestre de 2020, o segundo pasou a consultas no grupo de traballo da Mesa de Mobilidade. E xa se realizou o encargo do proxecto de execución da plataforma a comezos deste 2021 á consultora Terravanza. A obra consistirá na implantación dun carril reservado para o transporte colectivo e melloras nas paradas do transporte público, pero tamén nun aumento significativo do espazo peonil gañando beirarrúas, en total gañaríase case 1.000 m² peonís.

Mariña - Cantóns - Compostela

En xuño de 2020 entregouse o estudo para a reordenación dos Cantóns, gañaranse 11.000 m² para o peón e mellorará o transporte colectivo. A rúa Compostela xa é peonil de forma provisional e gañouse espazo para os camiñantes mediante a ocupación de varios carrís de circulación rodada, será o primeiro tramo en abordarse leste mesmo ano, e terán un prazo de execución de preto de 6 meses. Transformarán todo o tramo entre a praza Mina e a rúa Rosalía de Castro. A rúa peonalizada de forma provisional desde o 1 de xullo transformarase nun paseo arborizado no que camiñantes terán prioridade, deixando zonas para as operacións de carga e descarga e circulación reducida nun só carril desde a rúa Picavia en diante, co fin que siga adiante a actividade comercial da zona. As obras incluirán ampliar o lousado das beirarrúas da rúa Compostela, no tramo da praza de Lugo entre rúas Compostela e Ferrol, aínda que deixando un carril central para tráfico restrinxido, renovación de todo o tramo da rúa Ferrol ata o Rosalía de Castro e ampliar as beirarrúas, deixando un carril central de formigón armado, substituír toda a iluminación pública por novos postes con proxectores Led, instalación de novo mobiliario urbano con bancos de cantería. Repoñer toda a rede semafórica e plantar vexetación incluíndo árbores, xardineiras decorando a entrada do aparcadoiro subterráneo do mercado de Picavia. Este proxecto debe desenvolverse entre os anos 2022 e 2023 cuxo obxectivo é achegar os Cantóns a Méndez Núñez devolvendo o protagonismo ao Obelisco uno dos símbolos da Cidade e unir a Mariña xa peonalizada coa rúa Compostela, ademais de reducir a dúas os carrís de circulación e ampliar as beirarrúas, simplificando o cruzamento da praza de Mina para facilitar o tráfico de saída e que o Cantón Pequena ligazón de forma directa con Compostela.

Bulevar San Andrés

Un carril por sentido, no programa Coruña Camiña levouse a cabo a peonalización provisional da vía todos os sábados do mes, con gran aceptación por parte dos veciños e comerciantes.

Porta Real - Maestranza

Un proxecto a longo prazo de peonalización desde Porta Real ao Reitorado polo Paseo do Parrote.

Corredoras/es e ciclistas gozan xa do carril no Paseo Marítimo, no tramo que vai desde os Surfeiros ata o Aquarium.

Trátase do carril máis próximo ao mar, onde se taparon os raís do tranvía, co fin de reordenar o espazo peonil e mellorar a seguridade viaria que a veciñanza viña demandando desde hai tempo.

A alcaldesa, Inés Rey , lembrou a boa acollida do primeiro tramo do novo carril, entre os Surfeiros e As Escravas, e sinalou que "a actuación forma parte do plan de mobilidade sustentable que o Concello está a desenvolver e que supón unha aposta por un modelo de cidade". Un plan, apuntou, que lle dá protagonismo á veciñanza, á peonalización das rúas e á mellora do transporte público.

O concello, está a traballar por unha mobilidade sustentable, unha mobilidade vinculada aos espazos públicos, por unha Coruña 30, para construír "unha cidade máis segura para a veciñanza". Deste xeito, o concello cumpre co seu compromiso e pon á disposición da cidadanía un quilómetro máis entre os Surfeiros e o Aquarium, de tal maneira que a lonxitude total do novo carril para ciclistas e corredoras/es alcanza os 2,7 quilómetros e permitiralles ás persoas deportistas dispoñer de máis espazo para practicar exercicio e liberar así máis zona peonil no paseo.