Ademais deses traballos de apoio á Mesa, o Comisionado que depende da Concellaría de Mobilidade, realizará as seguintes funcións:

• Informar a actualización do bloque normativo en materia de mobilidade.
• Informe previo sobre as actuacións en materia de tráfico (peonalizacións, zonas 30, carril bus, carril bici, cambios de sentido).
• Propoñer ao Concelleiro competente, para o seu estudo e aprobación, actuacións e procedementos en materia de mobilidade.
• Elaborar as propostas de mobilidade que lle sexan requiridas polos Órganos Municipais Competentes.
• Fomentar a formación e información á cidadanía para lograr unha mobilidade segura e saudable.
• Configurar e desenvolver o observatorio da Mobilidade, elaborando os estudos que lle requiran os Órganos Municipais Competentes.
• Propiciar a utilización das últimas tecnoloxías na mobilidade.
• Coordinar o apoio policial necesario para a mobilidade.

O Superintendente da Policía Local Antonio F. Alfeirán Rodríguez, asume as funcións de Comisionado para a Mobilidade desde o mes de Decembro de 2019.