Superficie: 5,2 hectáreas

É un parque rodeado do entramado urbano e no seu interior está a Casa das Ciencias, un dos museos coruñeses. Inaugurado en 1977, alberga máis de 70 especies botánicas procedentes de distintos continentes entre as que destaca a presenza de Abies pinsapo, Acacia sp, Quercus sp, Ailanthus altissima, Magnolia sp ou Taxus sp, etc. Conta cun pequeno estanque para aves acuáticas, zona de xogos infantís e edificio de servizos, zona de xogos e un anfiteatro ao aire libre. A última fin de semana do mes de agosto realízase no seu contorno a romaría de Santa Margarita.

Especies máis destacadas:

• Pinus radiata D. Don.
• Acer pseudoplatanus L.
• Platanus x hispanica Mill.
• Myoporum laetum R.Br.
• Eucalyptus globulus Labill.
• Robinia pseudoacacia L.

Está situado nunha céntrica lomba que domina toda a cidade, e é o parque de meirande tamaño da Coruña. Na súa parte máis elevada (61 m sobre o nivel do mar), está a Casa das Ciencias. No lado leste está o Palacio de Congresos, e o acceso é dende a Glorieta de América.

Entre as súas instalacións cóntase un parque infantil, un anfiteatro ao aire libre e bancos e mesas para merendas e comidas.

A última fin de semana do mes de agosto realízase no seu contorno a Romaría de Santa Margarita.

Acceso:

• Libre e gratuíto.
• En principio está prohibido o acceso de vehículos, aínda que se autoriza o paso
  aos autobuses de excursións.

Accesos ao parque:

• Rúa Padre Sarmiento: é a entrada pola que acceden os autobuses, posúe un pequeno aparcadoiro.
• Avda. Finisterre, esquina rúa Palomar.
• Rúa Palomar: é unha escalinata á altura do Palacio da Ópera. Está aberta as 24 horas.
• Avda. Arteixo.
• Ronda Nelle.

Área canina:

• Dispón de zona de xogos, bebedeiro, mesa de cepillado e ducha.

Datos de interese:

• Inauguración: 15 de xullo de 1977, sendo alcalde José Manuel Liaño Flores.
• Na súa parte máis elevada, 61 metros sobre o nivel do mar, está a Casa das Ciencias. No lado leste, está o Palacio da Ópera, que ten o acceso dende a Glorieta de América.
• Extensión do parque: aproximadamente 53.000 metros cadrados.
• No parque está plantada unha das maceiras do «Bosque de Newton», réplica exacta da que inspirou ao científico.