Superficie: 46,61 hectáreas

Parque urbano situado na zona norte do municipio. Esténdese pola beira do mar, comunicándose co resto da cidade a través dun circuíto peonil. La Torre de Hércules, o único faro romano e o máis antigo en funcionamento do mundo, é unha das imaxes máis emblemáticas da Coruña, o cal converte a este parque nun dos máis visitados da cidade. Ademais, esta é unha área de especial importancia ecolóxica debido á presenza do ecosistema costeiro con importante presenza de avifauna.

Especies máis destacadas:

• Populus x canadensis Moench
• Tamarix sp.
• Populus alba L.

Datos de interese:

• É un parque con xardíns situados no extremo norte da península da Coruña, nas inmediacións da Torre de Hércules.
• Anteriormente estaban emprazadas as instalacións dunha polvoreira militar, da que aínda quedan as galerías subterráneas, na actualidade enterradas.
• Os xardíns divídense en tres espazos: o Xardín do Mouro, o Miradoiro do Horto e o Recuncho do Vento.
• O deseño é do estudo de arquitectura Naves.
• Os xardíns dispoñen de camiños de madeira, bancos, tumbonas, casetas para resgardarse do vento e da choiva e dunha replica da Torre de Hércules a nivel de chan co aspecto que tiña en 1770.

• Construída sobre o antigo Cemiterio Mouro, a Casa da Palabra alberga no seu interior unha acequia, unha fonte e catro zonas axardinadas. Nas paredes instaláronse placas con azulexos sobre os que se inscriben textos antigos onde se menciona o nome da cidade, por exemplo uns versos de Alfonso X, así como varias palabras de orixe árabe.
• Data de inauguración: 1 de decembro de 2006.