Concello da Coruña

A Concellería de Medio Ambiente puxo en marcha a Oficina Contra o Cambio Climático mediante Decreto da Alcaldía, coa que se pretende desenvolver os compromisos establecidos tras a recente adhesión do municipio ao Pacto dos Alcaldes, así como para velar pola efectiva implantación e seguimento da Estratexia Contra o Cambio Climático da Coruña, participando destas decisións todas as concellerías con competencias ligadas aos diversos programas de actuación.

As actividades da Oficina Contra o Cambio Climático desenvólvense sobre tres eixos fundamentais:

• Asesoramento á cidadanía
• Dinamización da Rede de Enerxía Sustentable
• Apoio ao Pacto dos Alcaldes

A Oficina nace coa vocación de servir de ligazón entre os diferentes organismos institucionais que traballan polo medio ambiente e os veciños e veciñas da Coruña e, entre outros servizos, poñer a disposición da cidadanía contidos web especializados, un correo electrónico para atender dúbidas (redenergiasostenible@coruna.es), suxestións e achegas dos veciños (981184315), así como asesoramento sobre aquelas medidas que permiten a redución de emisións de CO2. Ademais, ten contas nas principais redes sociais (twitter.com/co2coruna e es-es.facebook.com/CO2coruna) .

A Oficina leva a cabo iniciativas para fomentar o intercambio e o debate arredor da protección do medio ambiente, como a organización dos encontros anuais da Rede de Enerxía Sustentable coincidindo coa Semana da Enerxía Sustentable, talleres de traballo, realizando tamén xornadas técnicas orientadas a cubrir as necesidades de cidadáns e comercios en temas relacionados co uso sustentable da enerxía e a redución de emisións de CO2.

Algunhas accións da oficina:

• Certificación de acordo coa ISO 50001 a xestión enerxética de 45 edificios municipais, grazas ao Sistema de Xestión Centralizada da Enerxía. O dito proxecto, agora certificado, levou o primeiro premio no apartado de enerxía pola Rede de Cidades polo Clima.
• Visitas aos membros da Rede de Enerxía Sustentable.
• Orgamización do IV Encontro da Rede de Enerxía Sustentable
• Organización dos Días dos Bosques, Auga, Océanos e Día do Medio Ambiente, coa participación de máis de 300 nenos e nenas.
• Celebración da Hora do Planeta
• Creación dunha nova web municipal para o servizo de medio ambiente (www.coruna.es/medioambiente)
• Creación dun Boletín periódico de noticias
• Revisión da Estratexia Contra o Cambio Climático da Coruña para a súa aprobación polo goberno municipal e presentación ao Pacto dos Alcaldes, sendo actualmente a única cidade galega que o conseguiu.
• Elaboración dun Plan de Participación para desenvolver durante 2014.
• Realización de actividades de difusión interna entre o persoal municipal: asesoramento, cursos de formación.
• Presentación do proxecto Europeo CITINZEB, para o desenvolvemento de edificios de emisión case nula, coa participación de importantes socios nacionais e internacionais: CSIC, Universidade da Coruña, Universidade de Vigo, Cidades de Timisoara, Mannheim, Bydgoszczy, York, institucións internacionais como Bre, ITC, Trinity College e membros da Rede de Enerxía Sustentable da Coruña.
• Ampliación do sistema de xestión centralizada da enerxía en 5 edificios.
• Avaliación de emisións en eventos municipais: Maratón A Coruña
• Colaboración con Smart Coruña no desenvolvemento dos proxectos piloto de enerxía.
• Desenvolvemento dun regulamento de Compra Verde.
• Informes de Bonificacións fiscais para o IVTM.
• Posta en marcha da Web de Datos Ambientais (www.coruna.es/infoambiental) e twitter.com/calidadambiental.
• Campaña de comunicación sobre a oficina e a estratexia: Póster , Mupis e folletos.