Concello da Coruña

Concello da Coruña

Cando:

8 de outubro de 2022

O Concello completa a restauración integral do Campo de Marte

Os traballos, que comezaron durante a tempada estival, centráronse nas melloras no firme, a instalación de novas ablaqueacións e a disposición de novo mobiliario urbano, como bancos e fontes

O Concello da Coruña vén de rematar os traballos para a restauración e mellora do Campo de Marte, no barrio de Monte Alto, onde se aproveitou a tempada estival para iniciar un plan de intervencións orientado á restauracion do firme e a rexeneración das áreas verdes e do mobiliario urbano.

As obras, executadas a través da Concellaría de Medio Ambiente e da Concellaría de Urbanismo, Vivenda, Infraestruturas e Mobilidade, tiñan como obxectivo a recuperación dunha das zonas verdes de maior valor histórico da cidade, dentro da líña de actuacións postas en marcha no actual mandato por Inés Rey e que inclúen a recuperación de Méndez Núñez e dos xardíns de San Carlos, entre outros . Os operarios municipais repuxeron o pavimento asfáltico para darlle unha uniformidade total, con vistas a reforzar a seguridade e accesibilidade dos usuarios. Asemade, procedeuse á sustitución do pavimento das zonas de xogos infantis e biosaudables. Estas últimas trasladáronse dentro do parque a un lugar máis accesible.

En paralelo, traballouse a fondo nas zonas de arboredo e áreas axardinadas, co obxectivo de sometelas a unha rexeneración total. Mellorouse o sistema de rega na superficie verde do Campo de Marte, e, a continuación, tras a restauración dos antigos bordos e a xeración deablaqueacións de protección para as árbores, leváronse a cabo tarefas para o resementado do céspede, engadindo sustrato, procedéndose, ademais, a plantar oito novas árbores e 580 arbustos variados.

A instalación de novo mobiliario

A intervención no Campo de Marte complementouse tamén coa restauración das farolas do alumbrado público, instalación de novos xogos biosaudables, papeleiras e a colocación de novos bancos para as persoas usuarias, o que implicou a desmontaxe previa dos antigos para a reposición, posterior, con bancos elaborados con madeiras tropicais e estrutura de fundición. Ademais, e no contexto da actualización do mobiliario urbano no Campo de Marte, instaláronse tamén novas fontes.

Consumo de auga

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión