Se o que queres é montar o teu propio negocio, estas son as cuestións que deberías ter en conta

Define a idea

Deberá centrarse nun produto ou servizo de interese que cubra unha necesidade no mercado, que sexa rendible e que poidas implementar, é dicir, que teñas capacidade técnica para desenvolver a idea de negocio.

O plan de negocio

O plan de negocio ou plan de empresa servirache tanto para comprobar se a túa idea é ou non viable, como de guía para poñer en marcha e posteriormente administrar o teu negocio. Como norma xeral deberá conter a definición do negocio (os produtos ou servizos que se van a ofrecer, a súa situación, nome..), un estudo de mercado (público ao que vai dirixido, competencia, márketing..), o proceso de produción ou prestación do servizo, organización de recursos humanos, investimento e financiamiento, aspectos formais do negocio (forma xurídica, permisos e autorizacións, normativa que o regula..) e previsión de ingresos.

Máis info:

• IGAPE
• IPYME

Financiamento

O financiamento é o diñeiro que necesitarás para poñer en marcha o teu negocio. Se non dispós del, estas son algunhas das opcións máis habituais:

• Diñeiro de familiares e amigos
• Préstamos bancarios
• Préstamos ICO
• ENISA
• Axudas e incentivos públicos: IGAPE
• Business Angels: Os Business Angels son particulares que deciden investir o seu diñeiro en proxectos de recente creación.
• Crowdfunding: financiamento colectivo a través de plataformas na internet: http://www.verkami.com/ http://www.lanzanos.com/
• Tambien podes capitalizar a túa prestación por desemprego

Forma xurídica

¿Autónomo ou outra forma xurídica? A resposta dependerá de varios factores: o tipo de responsabilidade que se asume (se se expón ou non o teu patrimonio persoal), o número de socios, capital social mínimo, perspectivas do negocio? Nas seguintes ligazóns tes información sobre todas as posibilidades entre as que elixir:

• Autónomos
• Sociedade mercantil
• Comunidade de bens
• Cooperativa
• Sociedade laboral
• Franquías
• Freelance

Mais info picando aquí .

Posta en marcha

O último paso é a realización de toda a tramitación xurídica e administrativa: constitución da sociedade no seu caso (Notario, Rexistro Mercantil), altas na Seguridade Social (autónomos, alta traballadores) Facenda (IAE, IVE, retencións?), licenzas e autorizacións?Para facilitarche todo o papaleo podes acudir a un dos Puntos de Atención ao Emprendedor (PAE) que che axudarán na tramitación de documentación e proporcionásenche asesoramento, formación e apoio ao financiamento.

Máis información sobre emprendimiento:

• ¿Onde informarme sobre emprendimiento?(PDF)
• Tamén podes consultar a bibliografía que temos no Espazo Municipal de Información Xuvenil do Fórum Metropolitano e nas Bibliotecas Municipais. Consulta o catálogo picando aquí.