Descrición

Xornadas onde se informa e orienta ao alumnado de educación secundaria sobre a oferta de estudos universitarios, formación profesional e outros estudos non regulados, así como das saídas profesionais ao seu remate.

Persoas destinatarias

Alumnado, orientadores/as e profesorado dos centros de educación secundaria do municipios da Coruña e centros doutros municipios que o soliciten.

Condicións do programa

As Xornadas divídense en dúas accións:

• Unha semana de visita aos distintos centros onde se imparten os ciclos formativos de FP, para coñecer máis de cerca estes estudos; e unha xornada de presentación doutros estudos profesionais como son os policiais e das forzas armadas.
• Unha semana de mesas informativas sobre os estudos universitarios que se imparten nas universidades públicas galegas. Contase cun punto informativo, xestionado polo Centro Municipal de Información Xuvenil e o SAPE, onde asesorarse sobre aspectos de interese para os estudantes, de cara á toma de decisións académicas.

Colaboran

As Universidades da Coruña, Santiago e Vigo; Centro Municipal de Información Xuvenil (CMIX) e centros educativos da cidade.

Para asistir ás mesas informativas e ás visitas aos centros de FP: aínda que o acceso é gratuíto, é imprescindible a presentación da credencial correspondente.

As credenciais para os asistentes repartiranse en cada centro educativo unha vez feita a solicitude previa.

Unha vez que remate o prazo de solicitude o Centro Municipal de Información Xuvenil (Forum Metropolitano. r/ Río Monelos, 1. T.: 981 18 42 94) distribuirá as credenciais sobrantes a aqueles estudantes interesados que non as obtivesen no seu centro educativo.

Custo

Gratuíto

Inscrición centros

Ficha de solicitude xeral

Do 10 de setembro ao 10 de outubro

Ficha de solicitude específica

Data por determinar