O voluntariado é unha forma de participación da sociedade na atención de necesidades de interese xeral, mediante actividades realizadas de forma altruísta, desinteresada e solidaria.

Existen diferentes maneiras de participar, desde a colaboración directa con entidades sen ánimo de lucro ata intervir en programas de voluntariado articulados e elaborados para estas áreas de interese xeral polas entidades de acción voluntaria ou mesmo pola propia administración pública a través de organismos oficiais.

Calquera que sexa a modalidade que che interesa debes saber que a acción voluntaria está regulada por lei. Se queres saber, por exemplo, cales son os teus dereitos e obrigas como voluntario/a consulta aquí a lexislación vixente en materia de voluntariado.

Lei do voluntariado en España

Lei de acción voluntaria de Galicia

Áreas de actuación na acción voluntaria:

• Acción social e servizos sociais
• Natureza sociosanitaria
• Defensa dos dereitos humanos
• Infancia
• Protección civil
• Medio ambiente
• Educación
• Cultura
• Lecer e tempo libre
• Consumo
• Defensa dos dereitos humanos
• Defensa dos dereitos lingüísticos
• Desenvolvemento da vida asociativa
• Fomento do uso das novas tecnoloxías
• Protección de persoas consumidoras e usuarias
• Defensa do patrimonio cultural
• Cooperación ao desenvolvemento
• Mocidade
• Cooperación internacional
• De defensa da economía ou da investigación
• Calquera que axustándose ao disposto na lei, poida contribuír á consecución dos principios da acción voluntaria