Aínda que che expliquemos de maneira breve unhas consideracións mínimas sobre a busca de emprego, o noso consello é que sempre solicites orientación laboral. Unha persoa orientadora laboral axudarache a xestionar a procura de emprego: establecerá o teu perfil profesional, revisará o teu currículo, ensinarache como potenciar as túas habilidades profesionais e como aproveitalas nas entrevistas de selección, sinalarache as túas necesidades formativas... Todas as oficinas dos servizos públicos de emprego ofrecen este servizo, que tamén adoitan ter os concellos e outras entidades (universidades, fundacións, ONG...). Na nosa cidade o servizo de orientación laboral xestiónao o Centro Municipal de Emprego. Consulta nos documentos relacionados outros puntos de información que che puidesen ser de utilidade.