Con motivo da conmemoración do día 25 de novembro, Día Internacional da Eliminación da Violencia contra as Mulleres, a Concellería de Igualdade, Benestar Social e Participación, pon en marcha a campaña "Alto e claro" cuxa finalidade é informar e concienciar, dun modo proactivo, a cidadanía sobre esta problemática, facendo especial fincapé na poboación máis nova.

Os obxectivos da campaña son a promoción da igualdade, a prevención e a detección da violencia de xénero e a abordaxe das problemáticas e consecuencias asociadas á violencia de xénero.