Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

EidusCoruña

Sistema de reserva de entradas en liña e control de capacidade

Enderezo:

on-line.

INFORMACIÓN XERAL

Operación: Desenvolvemento de ferramentas TIC para a mobilidade especifica de turistas e visitantes (LA10)

Obxectivo temático: mellorar o acceso, o uso e a calidade das tecnoloxías da información e a comunicación. (OT2)

Orzamento: 105.270 €

Financiamento FEDER: 80%

Estado: en execución

Prazo de execución: 15 meses

Contratista: Balidea Consulting & Programing S.L.

DESCRICIÓN

Entre os servizos dixitais máis solicitados polas persoas turistas que visitan a nosa cidade está o de poder realizar unha planificación da visita e, máis concretamente, a reserva e pago de entradas en liña aos diferentes museos situados no termo municipal. Esta necesidade converteuse nunha prioridade coa aparición da COVID-19, que obrigou a poboación a cumprir unha serie de medidas para garantir as distancias de seguridade, e as administracións a dotarse de ferramentas dixitais para facilitar o seu cumprimento.

Actualmente, a rede de museos municipais (MC2) e a Torre de Hércules, dispoñen de sistemas heteroxéneos de control de capacidade e venda presencial. Ademais, con motivo da pandemia, implantouse de urxencia unha ferramenta baseada en software libre para permitir a reserva de entradas en liña.

Deséxase evolucionar e ampliar o sistema actual cun conxunto de funcionalidades que permitan, entre outras cuestións, o control da capacidade e o pagamento en liña de entradas. Para lles dar resposta a estes retos, formúlase a contratación dos seguintes elementos:

  • Integración con pasarelas de pago que lles permitan á cidadanía/turistas realizar a reserva e o pago en liña con tarxetas de crédito/débito de calquera entidade bancaria, que faciliten a planificación da viaxe e eviten a aglomeración de colas en portelo.
  • Interconexión cos tornos de control de acceso que permitan controlar en tempo real o número de persoas que se atopen dentro do recinto.
  • Software para a venda de entradas "in situ" para visitantes que acudan sen pase de acceso ao recinto.
  • Interface de administración/xestión. Módulo de Backoffice e cadro de mandos.
  • Despregamento en nube pública que garanta alta dispoñibilidade e escalabilidade para xestionar aproximadamente 600.000 accesos anuais.
  • Formación de usuarios/as no uso e administración dos diferentes módulos da ferramenta.
  • Soporte e mantemento durante polo menos un período dun ano

LIGAZÓNS DE INTERESE

Solicitude Edi

Contratación

Proxecto técnico

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

?

Iniciar sesión