Cando falamos de contaminación "atmosférica", ¿que significa? O primeiro no que todos pensamos é na "contaminación do aire", é dicir, cambios na composición química da atmosfera debidos á existencia de gases e compostos nocivos, aparición de choiva aceda, destrución da capa de ozono, efecto invernadoiro, etc. Con este pensamento descoidamos, por exemplo, ao ruído, que é un dos axentes contaminantes máis importantes, a denominada "contaminación acústica".

ESTRUTURA

O programa desenvólvese en tres sesións diferentes:

• Audiovisual interactivo. Coloquio con apoio audiovisual na aula. Duración aproximada: 60 minutos. A elixir entre:
  • "A contaminación atmosférica: quen a xera e como pode minimizarse". 5º e 6º de EP.
  • "A contaminación acústica: quen a xera e como pode minimizarse". 1º e 2º de ESO.
• Actividades na aula. Duración aproximada: 60 minutos. A elixir entre:
  • "Indicadores da calidade do aire". 5º e 6º de EP.
  • "Elaborar un mapa acústico: comparacións entre un espazo non degradado e un espazo ruidoso". 1º e 2º de ESO.
• Visita guiada. Duración aproximada: 90 minutos. A elixir entre:
  • "O sistema de control do aire da Coruña (Parque de Santa Margarita)". 5º e 6º de EP; 1º e 2º de ESO.
  • "Instalacións da AEMet na Coruña". 5º e 6º de EP; 1º e 2º de ESO.