- Inicio
- Plan Coruña Educa
- Detalle programa
A ruta da auga 2019-20
A auga é un dos principais recursos para a vida e o seu abastecemento e uso é vital para o funcionamento de calquera fogar, industria ou servizo. O circuíto xeral da auga nunha cidade desenvólvese desde a súa captación ata a súa depuración final antes de ser vertida, pasando pola súa canalización, potabilización, distribución, etc. De forma habitual os usuarios obviamos este proceso e apenas prestamos atención a todo este ciclo, excepto cando carecemos de auga. ¿Como utilizamos este recurso? ¿Que consecuencias producimos coas nosas actitudes?
Localización do centro:
Só da Coruña
Servizo municipal:
Medio Ambiente
Tipo de actividade:
Complementaria
A quen vai dirixido?:
Alumnado de 3º a 6º de EP, de 1º e 2º de ESO, EE.
Obxecto:
- Recoñecer e valorar a importancia da auga como un recurso imprescindible, tanto a nivel vital como no sistema urbano actual.
- Orientar as actitudes do uso da auga cara a outras que fomenten o seu aforro, o seu uso máis racional e ecolóxico.
- Investigar, seguir e recoñecer a ruta que segue a auga que se utiliza na cidade, desde a súa captación ata a súa devolución ao ciclo natural.
Estrutura
O programa desenvólvese en tres sesións diferentes:
- Audiovisual interactivo. Proxección comentada na aula con coloquio. A elixir entre:
A auga na natureza. 60 min. 3º, 4º, 5º e 6º de EP
A ruta da auga na Coruña. 60 min. 5º e 6º de EP; 1º e 2º ESO
- Actividade na aula. A elixir entre:
Xogo: A vida no río. 60 min. 3º e 4º de EP
Xogo: A auga na Coruña. 60 min. 5º e 6º de EP; 1º e 2º de ESO
- Itinerario/Visita guiada. A elixir entre:
A planta potabilizadora da Telva. 90 min. 5º e 6º de EP; 1º e2º ESO.
De expedición polo río Mero. 90 min. 5º e 6º de EP; 1º e2º ESO.
A planta depuradora de Bens. 120 min. 1º e 2º ESO.
Cando:
Dende o 07/01/2020 ata o 30/06/2020
NOTA: A programación de Educación Ambiental municipal pode sufrir algunha variación ao longo do curso escolar. A orixe destes cambios está na nova licitación destes programas que rexerá nos futuros anos. Ningún dos cambios influirá nas datas asignadas aos diferentes centros. Calquera cambio ou modificación nos contidos dos programas só realizarase acordada cos destinatarios; que serían consultados coa debida antelación.
Este evento xa rematou
Inscricións:
Dende o 11/12/2019 ata o 31/01/2020
Inscrición centros
Contacto:
Recursos materiais:
Materiais de apoio:
- Manual do profesorado
- Manual do alumnado
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible