Rede de Escolas Infantís Municipais (REIM)

Constituída por 9 escolas que atende a menores de 0 a 3 anos:

• EIM A Caracola
• EIM Agra do Orzán
• EIM Arela
• EIM Carricanta
• EIM Os Rosales
• EIM Luis Seoane
• EIM Monte Alto
• EIM Os Cativos
• Escola Infantil Carmen Cervigón

A titularidade perténcelle ao Concello da Coruña que lles encarga a xestión a empresas concesionarias, excepto no caso da escola infantil Carmen Cervigón xestionada polo IBS Padre Rubinos, entidade coa cal o concello ten asinado un convenio de colaboración.

Todas as escolas están sometidas á normativa vixente para as escolas do primeiro ciclo de Educación Infantil (0-3 anos), e ao Regulamento de organización e funcionamento da Rede de Escolas Infantís Municipais do Concello da Coruña, publicado no BOP da Coruña o 6 de agosto de 2020 (núm. 124).

Ademais, réxense por un Regulamento de réxime interno propio e identificativo, no que se recollen as normas de convivencia, de organización e funcionamento de cada unha delas.

A REIM ofrece un servizo educativo de calidade para a primeira infancia, entendendo a educación como un dereito do/a neno/a para o desenvolvemento integral da súa personalidade (físico, afectivo, intelectual, moral e social), nun ambiente adecuado ás súas necesidades e en contacto con outros/as nenos/as. Esta función educativa é complementaria á educación recibida no seo do propio ambiente familiar.