Actividade para fomentar o espírito cooperativo e de traballo en grupo a través das matemáticas.

Obradoiro que ten como obxectivo promover no alumnado de 5º e 6º de Educación Primaria previr o uso inadecuado e a toma de conciencia sobre as vantaxes e inconvenientes dos videoxogos e o establecemento de estratexias sobre o seu uso.

A presenza de animais acompañando as nosas vidas nas cidades é cada vez máis frecuente. De man diso, nos últimos anos apareceron diversas normativas que tentan xestionar a súa tenencia, tentando adiantarse ou reconducir problemas que enturban a relación entre seres humanos e animais. Fomentar un coidado responsable e ético; evitar a introdución de especies exóticas ou o comercio de especies vulnerables son tópicos de interese neste ámbito. Xunto a esta veciñanza de carácter doméstico hai outra máis natural que é a miúdo branco de críticas polas molestias que xeran: as especies silvestres que comparten connosco a cidade. Ratas, estorniños, pombas ou gaivotas son as máis coñecidas.

Ata ben entrado o século XX os virus constituían un misterio invisible. Eran de transcendental importancia, pero non detectables como o neutrón, por poñer un exemplo. Os descubrimentos microbianos de Anton van Leeuwenhoek non os detectaban, como tampouco os avances bacteriolóxicos de Pasteur ou Koch, 200 anos despois. De súpeto, un coronavirus cambiou por completo a nosa vida, como só o conseguiron antes as peores guerras da humanidade. Afondemos un pouco máis no coñecemento destes patóxenos.

Taller que ten como obxectivo previr o inicio do consumo e o uso de alcol e tabaco nas e nos menores, traballando as competencias sociais, os factores protectores e facendo unha análise práctica dos riscos do seu consumo.

Este obradoiro ten como obxectivo promover a toma de conciencia por parte dos participantes dos riscos asociados ao uso da internet e facilitar habilidades para moverse neste novo "hábitat" con seguridade.

A auga é un dos principais recursos para a vida e o seu abastecemento e uso é vital para o funcionamento de calquera fogar, industria ou servizo. O circuíto xeral da auga nunha cidade desenvólvese desde a súa captación ata a súa depuración final antes de ser vertida, pasando pola súa canalización, potabilización, distribución etc. De forma habitual as persoas usuarias obviamos este proceso e apenas prestamos atención a todo este ciclo, excepto cando carecemos de auga. Como utilizamos este recurso? Que consecuencias producimos coas nosas actitudes?

O obradoiro combina a intervención grupal con intervencións individuais, en casos de risco verificado, co/a menor e a súa familia.

O centro escolar que detecte un caso concreto de conduta problemática asociada ao comezo de consumo de drogas e estea interesado nesta actuación, pode solicitar esta intervención.

Programa de Educación para o Consumo, destinado ao alumnado de centros educativos da Coruña.

Un programa de clasificación de seres vivos e de bioloxía experimental e método científico.

O servizo muncipal de Mocidade do Concello da Coruña, a través dos Espazos Municipais de Información Xuvenil, sitúan en centros públicos e tamén en centros concertados con ESO e bacharelato da cidade, unha rede de pequenas sucursais informativas durante cúrsoo escolar. Participan neste programa de dinamización e difusión da información IES, CIFP, a Escola Oficial de Idiomas, a Escola de Arte e Superior de Deseño Pablo Picasso e o Conservatorio Profesional de Música, entre outros.

Estes pequenos puntos de información, coñecidos como Antenas de Información Xuvenil, conectan os Espazos de Información Xuvenil do concello coa mocidade ao achegarse aos centros educativos a través dun programa de difusión "da información entre iguais". Cada Antena de Información comprende: Un espazo físico no centro desde no que se difundirá información de interese xuvenil proporcionada semanalmente polos Espazos Municipais de Información Xuvenil do concello da Coruña Canles dixitais de interese xuvenil e, o máis importante: unha persoa ao un grupo de persoas, as/os antenas

O programa de Arte "e Cultura no Centro" é unha proposta de lecer educativo que complementa a xornada lectiva, persegue o desenvolvemento integral (físico, intelectual e social) dos nenos e nenas nunha contorna lúdica, de diversión e entretemento (aprender xogando) e comprende un amplo abano de actividades artísticas e culturais. Organízanse a través de dúas propostas diferenciadas: "OBRADOIROS" e/ou "PROXECTOS".

Programa de Educación para o Consumo, destinado ao alumnado de centros educativos da Coruña

Programa no que se lle ofrece a oportunidade ao alumnado de 4.º da ESO, residente na cidade da Coruña, de cursar o Grao 11 en Canadá. -equivalente a 1.º de Bacharelato.

Programa inscrito no programa Erasmus + da Unión Europea, polo que se organizan e posibilitan prácticas de formación, de tres meses de duración en empresas de diversos países europeos para recentemente titulados de FP Superior nos centros adscritos ao programa.

Programa no que se lle ofrece a oportunidade ao alumnado de 4.º da ESO, residente na cidade da Coruña, de cursar o Grao 11 en EE. UU. -equivalente a 1.º de Bacharelato.

"Eu nacín aquí. Meus pais naceran aquí e mais meu avó paterno e a miña avoa paterna, e tamén a miña avoa materna e mais lonxe na miña ascendencia os meus antepasados e a súa proxenie". Así se expresaba María Casares nas súas memorias "Residente Privilexiada" referíndose á súa cidade, A Coruña. Neste ano de 2022 o Concello promove a celebración do centenario do nacemento de María Casares (A Coruña 1922 - Alloue 1996).

É un proxecto amigable que forma parte das estratexias do Concello da Coruña e Stop Accidentes para impulsar a mobilidade sustentable e converter ao peón no verdadeiro protagonista da seguridade viaria.

A Federación Provincial de ANPA en convenio co Concello da Coruña, co fin de dar resposta ás necesidades de conciliación das familias nos períodos vacacionais, leva a cabo o programa de actividades Campacole, baixo o formato de campamentos urbanos con servizo de madrugadores e comedor.

Estes campamentos levaranse a cabo en diversos CEIP da Coruña (por determinar).

Unha escena de cinema para a nosa contorna educativa.

Programa de Educación para o Consumo, destinado ao alumnado de centros educativos da Coruña.

A Concellaría de Educación, co gallo da celebración do día das cidades educadoras, organiza un concurso de vídeo-relatos destinado a alumnado de educación infantil e primaria, centrado na importancia de desenvolver, desde o ámbito local, estratexias que favorezan a inclusión.

O Servizo de Educación, en colaboración co Servizo de Cultura, organiza a I edición do programa IMAXINA, para o curso escolar 2021-2022.

O programa Imaxina nace como unha iniciativa municipal de carácter innovador que pretende difundir a cultura científica e tecnolóxica entre o alumnado de secundaria.

A organización propoñerá un tema que servirá de marco para que o alumnado participante desenvolva un proxecto orixinal empregando ferramentas científicas, tecnolóxicas e matemáticas (STEM) que teña como finalidade contribuír a resolución dun problema real da sociedade. O proxecto finalizará coa presentación pública dos experimentos ou materiais creados que cheguen á fase finalista.

Sensores para todos é un certame no que, a través do obxectivo explícito de achegar á xente nova á programación e ao uso das moi activas tecnoloxías electrónicas e robóticas, busca fomentar a súa creatividade, a capacidade de resolución de problemas e a investigación no campo STEM -Ciencia, Tecnoloxía, Enxeñería, e Matemáticas- á vez que se desenvolven aptitudes e actitudes para o traballo en equipo, e a aprendizaxe compartida.

Programa de Educación para o Consumo, destinado ao alumnado de centros educativos da Coruña.

Ten como obxectivo abrir un espazo no que o alumnado poida expresar as súas realidades particulares en tempos de pandemia a través da escritura, traballando os distintos aspectos (cognitivos, de afrontamiento, emocionais...), e poder incorporalas de forma saudable a súa "nova normalidade".

A Exposición "Converxencias Arte e Ciencia: Escher", organizada pola Institución Galega de Ciencia (IGACIENCIA) e o Servizo Municipal de Educación do Concello da Coruña, enmárcase dentro das actividades de difusión da ciencia e da cultura científica na sociedade, para mostrar as sinerxías e vínculos entre a arte e a ciencia.

A exposición "Converxencias, arte e ciencia: Juan Gris", organizada pola Institución Galega de Ciencia (IGACIENCIA) e o Servizo Municipal de Educación do Concello da Coruña, enmárcase dentro das actividades de difusión da ciencia e da cultura científica na sociedade, para mostrar as sinerxías e vínculos entre a arte e a ciencia, propiciar a comprensión do método científico, a resolución de problemas, o espírito crítico e o interese social pola ciencia e a innovación como base do progreso.

O programa Cóxegas é unha proposta que dá resposta á demanda de conciliación familiar e laboral para familias con fillos e fillas escolarizados en centros públicos, en tempo extraescolar durante os períodos nos que as ANPA non desenvolven actividades extraescolares (setembro e xuño).

É un programa integral de actividades físico-deportivas para o alumnado dos centros educativos públicos da cidade, desde a filosofía do 'deporte para todos'.

As propostas deportivas realízanse en horario extraescolar, nas propias instalacións dos centros e, os eventos especiais e competicións, nas instalacións deportivas municipais.

Programa de Educación para o Consumo, destinado ao alumnado de centros educativos da Coruña.

O programa de Educación Viaria do Concello da Coruña, é unha actividade dirixida e realizada pola Policía Local da nosa cidade. Busca mellorar a seguridade viaria dos escolares mediante unha formación adecuada e adaptada ás necesidades e diversidade dos grupos, destacando a transmisión de valores e actitudes de condutas cívicas, e por tanto, viarias.

A enerxía é vital para o desenvolvemento das nosas actividades cotiás. A enerxía somática, que obtemos co metabolismo dos alimentos sería a primeira. A partir de aí, o resto das enerxías obtémolas da transformación dos diferentes recursos: centrais térmicas, hidroeléctricas, nucleares, eólicas...

O título do programa componse de dúas palabras:

1) ENGLISH: En referencia ao idioma inglés, que é o núcleo sobre o que vira o programa

2) LAB: Abreviatura de laboratory, para formular os "experimentos" que darán lugar á interacción da lingua inglesa con diferentes áreas de contidos.

Expresando deste xeito a capacidade e potencial creativo que demandará o programa do alumnado participante, e que se pretende poñer de manifesto coa posta en práctica das diferentes actividades que protagonizarán o día a día do proxecto.

A presenza de todo tipo de mascotas acompañando as nosas vidas nas cidades é cada vez máis frecuente. Tanto en número como en variedade de especies. E nos últimos anos apareceron diversas normativas que tentan xestionar a súa tenencia, tentando adiantarse ou reconducir varios problemas que enturban a relación entre humanos e animais: os malos tratos animais e a tenencia responsable; a introdución de especies invasoras; o comercio de especies vulnerables.

¿Como afectan estas normativas á nosa relación coas mascotas? ¿Estamos dispostos a asumir estas obrigacións legais e éticas para con elas?

A XV edición da Feira Matemática é unha xornada para divulgar e profundar na ensino-aprendizaxe das matemáticas e para conseguir unha intercomunicación social, matemática, lúdica, práctica e agradable, animando a nenos/as e maiores a resolver problemas matemáticos diversos. Organizada pola Asociación Galega de Profesorado de Educación Matemática (Agapema).

Programa de fomento e dinamización do galego na Rede de Escolas Infantís Municipais do Concello da Coruña, organizado polo Servizo de Normalización Lingüística

Esta proposta educativa céntrase na mediación como un procedemento para resolver conflitos, tendo en conta que os conflitos forman parte ineludible das relacións humanas, afectan á vida das persoas e á convivencia dentro e fóra do centro escolar.

Os conflitos poden ser considerados un risco pero tamén unha oportunidade de desenvolvemento persoal e social do alumnado se se empregan as ferramentas idóneas para a abordaxe dos mesmos, tendo en conta que as chaves da mediación son a empatía, bos dotes comunicativas, saber escoitar, mente creativa e contención dos xuízos de valor, entre outras.

A mediación escolar atópase na actualidade en expansión, tendo como protagonistas con carácter xeral da mesma ao profesorado. Con todo, desde esta proposta realízase un cambio nas figuras principais, derivando o liderado no alumnado interesado nesta proposta.

Trátase dunha proposta de carácter voluntario que implica informar previamente ao alumnado para identificar ás persoas que puidesen ter maior interese na mesma.

Unha vez identificado ao alumnado interesado en levar a cabo actuacións de mediación dentro do centro escolar, o alumnado recibirá un CURSO específico de MEDIACIÓN "EN IGUALDADE E DIVERSIDADE".

O alumnado formado estará cualificado para apoiar a outros alumnos e alumnas de cursos inferiores, formando parte dun Equipo de Mediación no centro e, no seu caso, intercentros.

Esta proposta trata de fomentar a capacidade de formular argumentos propios, reflexionados e coa madurez que require dentro das idades en que está comprendida a proposta.

As palabras reflicten dun modo profundo os conceptos máis arraigados da nosa visión do mundo, moldeando a un tempo a realidade que nos arrodea.

Falar sobre novos conceptos e traer a debate temas que na actualidade preocupan ás mozas e aos mozos, máis aló dos paradigmas estáticos, favorece crear novos camiños favorables á igualdade e a diversidade.

Trátase de crear un espazo no que verbalizar as olladas e os sentimentos das e dos adolescentes, compartir visións, valores, críticas e dúbidas do mundo que as/os arrodea, do que son axentes activos e importantes protagonistas na participación da creación do seu propio futuro.

Obradoiro para fomentar no alumnado as habilidades de comunicación e as competencias para a toma de decisións autónomas e saudables que actúan como factores de protección fronte ao comezo do consumo de drogas.

O programa educativo "Idiomas do Mundo"ofrece a oportunidade ao alumnado que cursou 1º de Bacharelato no curso 2021-22, de realizar unha actividade de inmersión lingüística no verán de 2022, en inglés, portugués, francés ou alemán, co obxectivo de mellorar a competencia nalgunha das linguas europeas máis faladas no mundo e poder acreditar de modo oficial o nivel alcanzado consonante o Marco Común Europeo de Referencia para as Linguas (MCERL).

Programa de difusión do espírito emprendedor entre o alumnado de Ciclos formativos e Educación superior de centros públicos (ou privados cos que se asine convenio), mediante a tutorización/mentorización dos seus proxectos empresariais.

Taller que promove potenciar as habilidades persoais e o traballo cooperativo dos participantes, desde unha perspectiva de xénero, para unha convivencia saudable e previr posibles situacións de acoso escolar.

Itinerarios pola cidade para coñecer a súa historia e algúns dos edificios emblemáticos mediante actividades de observación.

Acción de dinamización lingüística que consiste nun concurso de monólogos cómicos para potenciar a comprensión e a expresión oral, ademais da creatividade e a naturalidade no uso da lingua galega.

O alumnado interesado poderá inscribirse no OBRADOIRO DE INTRODUCIÓN Á INTERPRETACIÓN DE MONÓLOGOS CÓMICOS, co obxecto de axudarlles a puír os seus textos e mellorar a súa interpretación cómica. As datas de inscrición no obradoiro e o día da súa celebración están pendentes de confirmar.

As concellarías de Deportes e Educación poñen en marcha un programa para dar a coñecer diferentes disciplinas deportivas que se desenvolven na cidade, a través de charlas informativas, impartidas por especialistas na materia, que tamén contarán cunha parte práctica.

Con motivo da Semana de Acción Mundial pola Educación, ponse en marcha esta campaña que busca poñer de relevancia o papel crave do profesorado e apoiar a importancia do labor docente para a consecución e defensa do dereito á Educación.

Programa escolar concibido como un intercambio de representacións entre grupos teatrais. Cada grupo crea/selecciona e ensaia unha obra de teatro para representala en dous centros educativos do Concello.

O 40% da produción enerxética final destínase ao transporte nas súas diferentes modalidades. O 15% é utilizado polas familias no seu vehículo particular. Se engadimos a parte de enerxía que se precisa para a fabricación e mantemento dos vehículos e infraestruturas necesarias esta demanda elévase ata o 50%. Practicamente o 100% dos combustibles teñen a súa orixe en derivados do petróleo o que supón unha dependencia dun recurso non renovable, escaso e que importamos. A educación, a saúde, o emprego ou o lecer deben de resultar accesibles a todos independentemente de que dispoñamos ou non de coche.

A finalidade do Programa MUS-E é o traballo desde as Artes, no ámbito escolar, como ferramenta que favorece a integración social, educativa e cultural do alumnado e as súas familias, mellorando con iso o seu rendemento na aula.

MUS-E fai fincapé na importancia do diálogo e a interacción así como o desenvolvemento da creatividade e a imaxinación na práctica educativa para a mellora das aprendizaxes na escola e o traballo en valores.

Programa de Educación para o Consumo, destinado ao alumnado de centros educativos da Coruña.

A atmosfera é imprescindible para a vida na Terra. O ser humano altéraa e modifica ata tal punto que a consecuencia é a súa contaminación, con gran repercusión nos seres vivos. O primeiro no que pensamos con contaminación "do aire" é en cambios na composición química da atmosfera debidos á existencia de gases e compostos nocivos; pero tamén o ruído é un dos axentes contaminantes máis importantes; ou a "contaminación lumínica", con gran repercusión nos ciclos da vida...

As concellerías de Deportes e de Educación poñerán en marcha no primeiro semestre do 2022 o programa "O Atlántico parte de ti", un programa pensado para achegar o mundo da vela ás mozas e aos mozos de 5º e 6º de primaria.

Taller que promove un achegamento, adaptado á idade dos participantes, á toma de conciencia das vantaxes e riscos asociados a internet.

Programa educativo composto por obradoiros que abordan a Saúde Afectivo Sexual desde unha perspectiva de xénero nos que se traballa e reflexiona sobre as diferenzas de valores emocionais, afectivos e sexuais que nos transmiten segundo sexamos mozas ou mozos, as repercusións que estas diferenzas teñen nas nosas vidas e o impacto causado neste ámbito polos roles socialmente establecidos.

A través destes obradoiros ofrécense ferramentas educativas para promover unha sexualidade igualitaria, libre, sa e pracenteira dado que non existe unha sexualidade normal, acomodada ou correcta. Só hai unha regra para unha sexualidade saudable: o respecto cara a unha mesma, cara a un mesmo e cara ás outras persoas.

Ao realizar estas actividades en coordinación co centro escolar poténciase a sensibilización do profesorado en relación á importancia da educación afectivo sexual desde unha perspectiva de xénero e a súa normalización dentro das aulas.

Proposta específica para lingua francesa no programa Idiomas no Centro, centrada no descubrimento e primeira inmersión en lingua francesa, para o alumnado novel, e na adquisición de comprensión e destreza na comunicación oral na devandita lingua, para os xa iniciados e iniciadas.

O Concello da Coruña, no marco da lexislación vixente ofrece aos centros escolares da cidade, a oportunidade de participar na celebración dun pleno infantil presidido pola Alcaldesa da cidade.

Obradoiro que ten por obxecto promover no alumnado actitudes prosociales e saudables, que proporcionen as ferramentas adecuadas para abordar e xestionar saudable e positivamente os conflitos en xeral e ante situacións relacionadas co consumo de drogas e alcohol en particular.

Realízao a Sección de Protección Civil do Servizo Municipal de Protección Civil e Bombeiros, consistente na aprendizaxe de primeiros auxilios, prevención e seguridade nos centros educativos da cidade.

A persoa encargada é Federico de la Fuente Ortiz, monitor de Protección Civil e instrutor de Soporte Vital Básico e Desfibrilación Semiautomatica.

Programa de Educación para o Consumo, destinado ao alumnado de centros educativos da Coruña.

Programa municipal de reforzo educativo en lectoescritura para diminuír o fracaso escolar do alumnado escolarizado no Concello da Coruña no curso 2021/2022

Programa municipal de reforzo educativo en Ciencias para diminuír o fracaso escolar do alumnado escolarizado no Concello da Coruña no curso 2021/2022

Paralelamente ao aumento do nivel de vida, á prosperidade económica e ao progresivo distanciamento do ámbito ambiental, os hábitos de consumo da maioría da poboación evolucionaron cara á ignorancia da repercusión das súas accións sobre ese ámbito. Isto desencadeou graves problemas ambientais. Un dos maiores retos actuais é atopar unha solución ao tratamento e eliminación dos residuos resultantes do principio de "usar e tirar", imperante hoxe en día.

Reducir o consumo de materias primas, reutilizar manufacturas, pechar os fluxos económicos e ecolóxicos dos recursos limitados e cubrir as necesidades da poboación de maneira sostible son a base da economía circular. No Plan de Tratamento de Residuos Urbanos da Coruña apóstase por unha separación selectiva en orixe que permite unha mellor integración dos residuos nos procesos de reciclaxe e compostaxe.

Percorridos a pé pola cidade para escolares desde os tres ata os oito anos, co obxecto de que coñezan a súa cidade á vez que adquiren valores e actitudes cívicas, realizando actividades didácticas.

O Concello da Coruña, a través do Servizo de Participación Cidadá e Innovación dependente da Concellaría de Igualdade, Benestar Social e Participación, pon en marcha de novo o proxecto "Sementando Participación". Un programa que levará a cabo en 2021 por cuarto ano consecutivo co obxectivo de xerar un proceso de participación infantil para que as e os menores e adolescentes da cidade coñezan e practiquen técnicas, ferramentas e habilidades para a participación cívica.

Con esta iniciativa, o Concello da Coruña aposta por unha infancia responsable e participativa, ofrecéndolle un espazo propio para expresar as súas ideas e opinións, e a posibilidade de trasladalas ao equipo de goberno.

Programa educativo que pretende fomentar os valores da economía social e o espírito emprendedor a través da creación e xestión dunha cooperativa escolar na aula.

Son un conxunto de intervencións sistemáticas dirixidas a facilitar o tránsito desde a escola á vida laboral activa, desenvolvidas ao obxecto de posibilitar que os estudantes de FP dos Institutos de Ensino Secundario do municipio, dispoñan da información e o asesoramento necesario para acurtar os tempos entre a finalización dos estudos e a incorporación ao emprego.

Programa educativo composto por sesións que fan uso de ferramentas atractivas, de natureza lúdica, que aproveiten e potencien a creatividade do alumnado destinatario. Estas sesións abordarán diferentes temáticas relacionadas coa promoción da igualdade e a diversidade, axustadas a cada nivel educativo.

Programa educativo composto por sesións nas que se aproveitarán as capacidades adquiridas nas novas etapas do seu desenvolvemento, como o autoconcepto, o autocontrol e as relacións entre iguais para, a través do valor simbólico do xogo, narración ou representación de historias, abordar diferentes cuestións sobre a igualdade e a diversidade.

A educación de nenas e nenos entendida como un proxecto de crecemento común lévaos a  facerse persoas con igualdade de dereitos e deberes, aprendendo a respectar a pluralidade e diversidade para lograr un desenvolvemento no respecto, a comprensión e a aceptación mutua.

O proxecto Talentos Inclusivos ten un dobre obxectivo: espertar vocacións científicas entre estudantes de educación secundaria e dar a coñecer a realidade da discapacidade. A través de equipos colaborativos formados por estudantes e usuarios/as de ASPACE Coruña resolveranse retos tecnolóxicos expostos por persoas con parálise cerebral coa finalidade de mellorar a súa calidade de vida.

Este taller ten como obxectivo:

• a prevención de risco no uso da internet, redes sociais e xogo interactivo
• fomentar o uso responsable da internet, novas tecnoloxías, redes sociais e xogos interactivos
• Identificar situacións de risco e as súas consecuencias

O obxecto do obradoiro é dotar ao alumnado das ferramentas necesarias para a toma de decisións adecuadas ante a situación do consumo de drogas, así como evitar posibles situacións de risco asociadas.

Obradoiro que reforza o aprendido no taller "Todos contamos 1", utilizando recursos e metodoloxía práctica, incidindo nas dinámicas e adquisición de valores positivos para a adopción de condutas saudables.

O IMCE ofrécelles aos centros escolares parte da súa programación de teatro con espectáculos específicos para os distintos niveis educativos e en horario escolar no Fórum Metropolitano, de forma segura ante a COVID-19.

No presente curso 2021/2022 e debido á incerteza xerada pola evolución da pandemia do coronavirus, ademais da programación que se presenta ata decembro de 2021, realízase unha nova proposta para a primavera de 2022.

Os espectáculos dirixidos a educación infantil e educación primaria ofértanse ao público familiar o sábado seguinte ás 18.00 h; e os dirixidos a educación secundaria terán unha sesión para público xuvenil e adulto o mesmo venres ás 20.30 h, excepto "Feirantes", "Pantasmas familiares" e "Historias de arrepíos".

As cidades e a contorna urbana son ecosistemas nos que conviven especies de flora e fauna que se adaptaron a un novo ambiente. Nun medio tan transformado, no que dominan o asfalto e o cemento, estes habitantes atopan lugares e formas para cubrir as súas necesidades vitais. Unha cidade como A Coruña ofrece moitas posibilidades neste sentido: unha longa liña de costa, parques e xardíns de diferente configuración e superficie son os seus principais elementos. É vital que a cidadanía comprendamos e valoremos a importancia do mantemento destes lugares pola súa biodiversidade e contribución á calidade ambiental.

Visitas dirixidas ao segundo ciclo de Educación infantil e a todos os niveis de Educación primaria

Percorrido guiado polas dependencias que configuran cada casa museo.

Visitas a diversas entidades da cidade e percorridos guiados para alumnado de centros educativos en horario escolar.

Trátase dun obradoiro de programación e robótica onde o obxectivo é adquirir a formación precisa para participar no concurso. Os conceptos computacionais utilízanse para enfocar e resolver problemas reais, comunicarnos con outras persoas e xestionar múltiples aspectos da nosa vida cotiá.

O Servizo Municipal de Educación organiza cada ano as Xornadas de Orientación Universitaria e Profesional destinadas a dar a coñecer os estudos universitarios impartidos nas tres universidades públicas de Galicia (UDC, USC e UVIGO) así como a oferta dos ciclos de Formación Profesional que se imparten nos centros públicos da cidade da Coruña.

ANUNCIO: Debido a cuestións organizativas varias, relacionadas coa prevención da COVID19, vémonos na obrigación de cancelar a celebración das Xornadas de Orientación Universitaria e Profesional (XOUP 2021-22)

Os recursos que proporcionan o novas TIC encobren os riscos que pode levar o seu uso inadecuado. O doado acceso ás redes sociais en liña e a maior presenza de dispositivos móbiles con conexión a Internet entre os mozos e mozas fai necesario informar sobre o uso adecuado destas tecnoloxías

Este obradoiro promove o uso responsable e seguro das tecnoloxías da información e comunicación (TIC) previndo o seu uso excesivo e inadecuado e fomentando, entre os usuarios e usuarias máis novos e novas, o bo uso destas tecnoloxías.