Tarifas (2022):

13.Tarifa Xeral (para actividades físicas, sen despacho de billetes)

• 13.1 Cota de entrada pública, por persoa e hora de uso: 3,42 €
• 13.2 Abono para unha persoa física de 20 usos dunha hora en horario público: 22,32 €
• 13.3 Uso exclusivo rúa por hora: 21,43 €
• 13.4 Uso exclusivo piscina por hora: 102,80 €
• 13.5 Actividades físicas que requiran o uso das seis canles por un período non superior a catro horas 145,64 €

Nota aclaratoria: as entradas dun uso (3.42 €) e os abonos de 20 usos (22.32 €) poden adquirirse nas oficinas do Servizo Municipal de Deportes, situadas no Polideportivo Municipal do Barrio das Flores, Cidade Deportiva da Torre e Cidade Deportiva de Riazor, en horario de atención ao público de 08:00 a 14:00 h de luns a venres.

Solicitude de uso das instalacións deportivas municipais:

Realizarase nas oficinas de rexistro da Cidade Deportiva de Riazor, Cidade Deportiva da Torre ou Polideportivo do Barrio das Flores, aboando a taxa correspondente ( Ordenanza fiscal nº 15, reguladora de la tasa por la prestación de los servicios en las instalaciones Deportivas Municipales. ); o seu pagamento poderase efectuar tanto en efectivo como mediante tarxetas.

Normas para as persoas usuarias da piscina:

• Para acceder á piscina é imprescindible a presentación do carné ou retirar a entrada correspondente.
• Prohíbese a entrada na zona de praia con roupa ou calzado de rúa.
• É obrigatorio ducharse previamente á entrada no vaso, así como a utilización do gorro de baño.
• Recoméndase o emprego de zapatillas de auga por motivos de hixiene, así como o uso de albornoz e lentes de natación.
• Non se permite empregar colchóns, flotadores, aletas, lentes de cristal ou calquera outro elemento que poida orixinar risco para as demais persoas usuarias.
• Respectarase en todo momento o uso da canle asignada a cada actividade.
• Por razóns de seguridade queda prohibido lanzarse á auga polos laterais do vaso, así como correr pola zona de praia.
• As persoas que non saiban nadar ou padezan algunha enfermidade que implique risco deberán advertírllelo previamente ás persoas de socorristas.
• Co obxecto de facilitar un maior aproveitamento da instalación deberán seguir as instrucións das/os socorristas.
• As e os menores de 14 anos estarán acompañadas/os dunha persoa adulta durante o uso libre da instalación.