Concello da Coruña

Os participantes poderán formalizar a súa inscrición:

Inscrición en liña: A través da pasarela de pago inserida na páxina en liña da Federación Galega de Atletismo www.carreirasgalegas.com. Estará operativa ata as 23:59 horas do 6 de febreiro de 2022.

Cota e prazos de inscrición:

• Prazo ordinario: ata o domingo 30 de xaneiro: 18 €
• 2º prazo: desde o luns 31 de xaneiro ata o domingo 6 de febreiro: 30 €
• Prazo extraordinario: luns 7 de febreiro e martes 8 de febreiro: 40 €

Inscrición presencial:

Poderá realizar a inscrición presencial para o Media Maratón C21, cubrindo a folla de inscrición e abonando a correspondente cota.

• Prazo: Ata o sábado 29 de xaneiro, no horario comercial do Corte Inglés.
• Lugar: Departamentos de deportes do Corte Inglés

Bonificacións: 50 % para maiores de 65 anos, acodes posuidores do carné novo e persoas desempregadas. O prazo para o envío de documentos por correo electrónico finaliza ás 23:59 horas do 30 de xaneiro de 2022, coincidindo coa finalización do prazo ordinario de inscrición. Para acreditar estas circunstancias é suficiente cunha declaración responsable, que se entenderá realizada no momento que se marque a opción "solicito bonificación", no formulario de inscrición en liña ou na folla de inscrición presencial; e enviar os documentos que se detallan a continuación, á Federación Galega de Atletismo mediante un correo electrónico á seguinte dirección: info@carreirasgalegas.com

• Maiores de 65 anos: fotocopia do DNI.
• Acodes posuidoras do Carné Novo: fotocopia do DNI e do Carné Novo.
• Persoas desempregadas: fotocopia do DNI e Informe de períodos de altas e baixas, expedido polo Servizo Público de Emprego (antigo INEM) antes do día da inscrición na carreira ou fotocopia do cartón de desemprego.

Inscrición gratuíta: Todas aquelas persoas que se inscriban e finalicen a C21 en 2022 e C10 en 2022, terán dereito á inscrición gratuíta na Maratón Atlántica C42 de 2022 ou á carreira 10K que se celebrarán o 2 de outubro de 2022.

Devolución parcial da cota de inscrición

Só se devolverá a tarifa de inscrición en caso de lesión e /ou enfermidade, se se presenta un informe médico, antes do día en que se realice a proba, na Federación Galega de Atletismo (Avenida de Glasgow, 13 - Edificio Federacións. 15008, A Coruña / info@carreirasgalegas.com).

O importe da devolución virá determinado pola data de presentación do informe médico:

• O 75% da cota se se presenta unha semana antes da celebración da proba, ata o 30 de xaneiro ás 23:59 h.
• O 50% se se presenta despois desa data, ata o 6 de febreiro ás 23:59h.

Se non se envía o informe mencionado anteriormente, non se realizará ningún reembolso. Para outros casos xustificados, a organización avaliará se se devolve a cota.