Concello da Coruña

A entrega de premios realizarase ás 13:35 h na zona de meta, unha vez finalizadas as probas de menores. Con caracter xeral, as e os atletas que non se presenten á recollida do seu premio no momento da entrega, perderán o dereito a recollelo. Exclusivamente poderán subir ao podio as/os atletas premmiadas/os. Por motivos organizativos non se entregará o premio a ningunha persoa que non sexa a/o propia/o atleta.

Aquelas persoas que poidan alegar unha causa xustificada pola súa ausencia no momento da entrega, deberán poñerse en contacto co Servizo Municipal de Deportes durante un prazo máximo de 15 días, onde se custodiarán os trofeos non recollidos.

Ademais dos tres clasificados na xeral, os tres primeiros clasificados de cada unha das categorías indicadas no regulamento, recibirán un trofeo no podium de premiados.

PREMIO ESPECIAL RÉCORD DA PROBA (premio acumulable): a/o atleta que gañe a carreira e bata o récord da proba tanto en categoría masculina (28:09) como en categoría feminina (31:40) obterá un premio de 1.000 euros.

categoría masculina / feminina
posto	trofeo	premio
1.º clasificado/a	Si	1.000 €
2.º clasificado/a	Si	600 €
3.º clasificado/a	Si	500 €
4.º clasificado/a		400 €
5.º clasificado/a		300 €
6.º clasificado/a		250 €
7.º clasificado/a		200 €
8.º clasificado/a		150 €

atletas galegos categoría masculina / feminina (1)
posto	premio
1.º clasificado/a galego/a	400 €
2.º clasificado/a galego/a	250 €
3.º clasificado/a galego/a	150 €
Premios non acumulables. Aboarase o de maior contía

⁽¹⁾Serán consideradas/os atletas galegas/os aquelas/es que presenten un certificado de empadroamento dalgún dos concellos de Galicia.

atletas coruñeses categoría masculina / feminina (2)
posto	premio
1.º clasificado/a coruñés/a	200 €
(2) Premios non acumulables. Aboarase o de maior contía

⁽²⁾Empadroadas/os no Concello da Coruña. Para recoller os premios a mellores/as coruñeses/as estes/as deberán remitir o certificado de empadroamento ao seguinte enderezo de correo electrónico: secretaria@atletismo.gal.

Premio ao mellor club con atletas federadas/os:

Outorgarase ao mellor club con atletas federados/as que obteña o mellor tempo global tras a suma conxunta dos tempos dos tres primeiros atletas masculinos e as tres primeiras atletas femininas que cheguen á meta na carreira absoluta que pertenzan ao mesmo club. Pertencendo a calquera das categorías que se mencionan no artigo 10 (é condición indispensable poñer na inscrición o número da licenza federativa).

En caso de empate a tempos entre dous ou máis equipos, tras a suma total de tempos das/os 6 atletas que puntúan, outorgaráselle a vitoria ao equipo cuxo 6º clasificado/a teña o mellor tempo.

O premio será de 500 €, que se pagarán ao club.

Este premio é independente do que poida obter cada atleta a título individual.

Premio especial récord da proba (premio acumulable):

O/a atleta que gañe a carreira e que bata o récord da proba tanto na categoría masculina (28:09) como na feminina (31:40) obterá un premio de 1.000 euros.

Os premios en metálico non serán acumulativos, con excepción do récord da proba. En caso de duplicidade, aboarase a contía máis alta. Para poder recoller os premios será necesario xustificar documentalmente o ano de nacemento das persoas participantes, por medio do DNI, as españolas, ou do documento legal en vigor (pasaporte) as estranxeiras. Todos os premios estarán suxeitos ás retencións legais vixentes.

Co obxecto de poder revisar as condicións estipuladas e atender a calquera posible reclamación, a organización resérvase a posibilidade de entregar os premios en metálico a partir do luns seguinte á data da competición. No caso de realizarse un control de dopaxe, os premios económicos quedarán retidos ata a súa resolución oficial.