Como me podo facer persoa voluntaria?

É moi sinxelo: só tes que inscribirte nun formulario e o antes posible concertaremos unha entrevista para coñecer os teus intereses, experiencia e dispoñibilidade. Deste xeito poderemos axustar as túas inquietudes a algún dos proxectos que se veñen desenvolvendo nas bibliotecas e nos que poderías colaborar.

Onde atopo o formulario para inscribirme?

Podes acceder ao formulario premendo na seguinte ligazón e elixindo a opción "Faite voluntario/a":

• Formulario de solicitudes

Requisitos

• A persoa voluntaria deber ser maior de 12 anos. Entre esta idade e os 18 anos deben contar co consentimento do pai, nai ou titor/a legal.
• No caso de que nas tarefas para desenvolver estean en contacto con menores, deberase achegar unha certificación negativa do Rexistro Central de Penados para delitos de natureza sexual.
• Declaración responsable das persoas voluntarias de non ter antecedentes penais por delitos de violencia doméstica ou de xénero, por atentar contra a vida, a integridade física, a liberdade, a integridade moral ou a liberdade e identidade sexual do/a outro/a cónxuxe ou dos/as fillos/as, ou por delitos de tráficos ilegais ou inmigración clandestina de persoas ou por delitos de terrorismo.

Coñece as persoas voluntarias

Na sección Retratos comprometidos: o voluntariado, podes ler entrevistas a cada unha das persoas voluntarias que pasan ou pasaron polas bibliotecas. Non as perdas!