Co geocaching iremos na procura de tesouros ocultos na nosa cidade, na biblioteca, na natureza...

Dentro do Programa BiblioTECH, da Biblioteca Durán Loriga, poderás formarte nesta aplicación tecnolóxica que logo poderás trasladar para crear o teu propio xogo de orientación e descubrimento. Co geocaching convidámoste a descubrir localizacións das cousas que te propoñas, dentro ou fora da túa cidade, explorando "xunto" a outros usuarios.

Xógase a nivel internacional, e está englobada dentro do nivel 2 da clasificación de RA (realidade aumentada), como unha forma de realidade virtual sen marcadores, no que se esconden tesouros por todo o mundo e o teu reto é atopalos. Un xogo de pistas e orientación que xa atrae a millóns de persoas!